Tun hnaia Asian Games neih zawh taka hmeichhe Hockey-a India tana Silver Medal vawchhuaktu Kolasib nula, Lalremsiami Hmar tana Mizoramin duhsakna hrang hrang a lantir chu an lawm hle tih Hockey Mizoramin an sawi.

0
456
views

 

Vawiina Aizawl Press Club-a thuthar lakhawmtute an kawmnaah an pawl President, Pu Hmingdailova Khiangte, MLA chuan, Mizoram Sorkar dan dinglai ang chuan Lalremsiami Hmar hi cheng nuai 1 pek tur a nih laia Mizoram Sorkar-in duhsak taka cheng nuai 10 pek a nih tur thu a puang leh Falkland venga Rajiv Awas Yojona Project hnuaia in pakhat chu Lalremsiami Hmar tan dah a nih tur thu puan a ni chu an lawm hle tih a sawi a. Hei bakah hian NEC-in cheng nuai 5 a pek tur thu a puangte, Kolasib Bawrhsap, Dr. Arun T-in Kolasib-a an in panna kawng chhia a siam leh Street Light chhia siam\ha tura hma a la leh Kolasib-a Pu Lalfamkima’n cheng sing 2 a pek bakah Kolasib College venga a ramah Lalremsiami Hmar hming chawia mi 5 khelh theihna Hockey Ground siamna tur Hockey Mizoram hnena phal taka a pe chu an lawm hle tih sawiin, he Hockey Ground hi a puitlin theih nan Mizoram sorkar chu chak taka hmalak sak tura an beisei thu a sawi.

Hockey Mizoram hruaitute sawi danin, Mizo Hockey Player zingah International Player pakua an awm tawh a, tuna Thenzawla SAI Womens’ Hockey Training Centre, Kawnpuia Mens’ Hockey Training Centre awmte bakah hian Aizawl khawpui chhung ngeiah National Tournament pawh thlen theihna Hockey Ground awm ve tawh se an duh thu leh hemi atan hian chak zawka hmalak an tum thu an puang a ni.