Hemi puala inkhawm Lunglei Hnam Run ah buatsaih hi an pawl Adviser Pu K Lalhnema’n a kaihruai a, Rev. B Lalrinawma’n hruaitu thar te \awng\ai sakin Pathian hnenah a hlan a ni.
Hemi hnu hian MNF Sub Headquarters Lunglei President thar Pu H Thangrenga’n thusawiin Hnam martarte thisen vangin tun hun thleng thei an nih thu a sawi a, pawlah hruaitu inthlak chang a awm a, hruaitu thar te chuan Chief Minister Pu Zoramthanga leh a thawhpuite tha tichak turin hna an thawk dawn tih a sawi. Pu H Thangrenga chuan, MNF party chu Mizo te ta, Hnam party a ni a, party dang nen khaikhin chi a ni lo a ti a, Mizo Hnam sipai Martarte thisenin a hrin chhuah a nih avangin a nghet bik a, sawi nghingtu tur an awm lo a ni a ti a, an elpui Congress chu an tla chhe tawh hle nia sawiin Delhi inthlanah pawh an bial lak an nei zo lo a ni a ti.
Vice President thar Pu Samson Zoramthanga leh Treasurer thar Pu F.Rosangzela ten pawhin thu an sawi a ni.
