Zawhna chhangin Supply Department hotute chuan, Buichali leh Khamrang inkar Huanmawi bula leiminin kawngpui a hnawh vang hian Mizoramin harsatna a tawh phah lova, ni tin mamawh phur lirtheite chu tlang kawng an tih mai Durtlang lamah an kal theih avangin mipui tan chiai nachhan tur a awm lo a, hetihrual hian Durtlang lama kal ni tin mamawhphur lirtheiten an vei vahna kawngah harsatna an tawh loh nan Supply Department-in nimin khan Aizawl Traffic SP leh Kolasib SP hnenah an tan ruahmanna bik siam turin an ngen tawh a ni. Supply Department hotute chuan, kawngping vang hian Tuialahthei hralhchhuah pawh khuahkhirh a la nih loh thu leh Pump \henkhat-in an tuialhthei chhek khawl mila an lo hralhchhuak a nih pawhin, an hriatpui lo a, an thil tih dan erawh an enzui reng thung tih an sawi a, tun dinhmunah chuan thlaphanna tur ala awm lo tih an sawi.
Tukin dar 10:30 thlenga Supply Department-in Aizawl khawpui chhung leh a chhehvela Petrol Pump 18-te Tuialhthei chhekkhawl zat a chhinchhiah dan chuan Petrol pangngai Litre 1,09,253 Xtra Premium Petrol Litre 1,10,632 leh Diesel Litre 1,68,510 a awm a, hetiang hi thil awm dan a nih avangin mipuite tan hlauhthawn tur a awm lo tih Supply Department hotute chuan an sawi a ni.
