He inkhawm hi State BJP General Secretary, Pu Vanlalhmuaka’n a hmanpui a, Atal Bihari Vajpayee khan Prime Minister a nih tawp lamah khan India chu \halaite kutah dah tur a nih thu a lo puang tawh tih sawiin, PMGSY, AAY, BPL leh mi harsate khaichhuahna tur scheme hrang hrang a lo duan chu Narendra Modi-a kaihhruai NDA sorkar chuan a tihlawhtling mek niin a sawi. Pu Vanlalhmuaka chuan, tunah hian BJP tan hun \ha a inher chhuak mek nia sawiin, ram chhung hmun dangah chuan BJP sorkar a piang deuh vek tawh a, Mizoramah pawh kumin kum tawpa Assembly inthlanpui neih hunah BJP chuan thuneihna a chang ngei dawn niin a sawi a. An party chuan mahni inhaivurna lam ringawt a ngaihtuah ve lova, ram leh hnam tana \ha tura rorel chu an hna hmasa a nih tur thu a sawi bawk.
He inkhawm hi BJP worker, Kolasib District enkawltu, Pu HA Dawngliana’n a kaihruai a, he inkhawmah hian Atal Bihari Vajpayee s<n nan kalkhawm mipuite chu minute khat chhung ngawi rengin an ding a ni.
