Tun hnaiah mi bum hmangten Internet Banking/Online Banking hmangin Bank Account nei te sum an ruk chhuah sak fo tih SBI hotuten an sawi a, fimkhur turin mipuite an chah.

0
138
views

Inbumna langsar zualte zingah Playstore atanga Application download tirin, hemi hnu hian an mobile phone chu ralkhat atangin an khawih thei thin tih SBI hotute hian an sawi a, thenkhat chuan Account details leh ATM details online-a submit turin an dil a, a then chuan SIM card thi tur leh mobile bill pek loh chhuan lamin pek dan tur link leh application install tur hrilhin an bum bawk a, a then chuan KYC online a submit tur te, Aadhar number, Voter ID leh a dangte an dil pawh a, internet website link te SMS hmanga thawnin lut turin an thlem a, heng thil chi hrang hrang hmang hian Accound neitu password, PIN number, ATM Card Detail leh thil pawimawh dang an hriat ruk sak a, mi pawisa an ruk chhuah sak thin tih SBI hotute chuan an sawi.

Hetiang inbumna laka him turin, Bank account detail te tumah phone call hmang emaw, SMS emaw, WhatsApp leh a dangte hmang emaw-a hrilh lo turin SBI hotute chuan mipuite an chah a, Bank lamin customer te phone a biak chang an neih pawhin, phone hmang chuan Account details ang chi hi an zawt ngai lo tih an sawi.