Tun thla chhunga Tuirini lei dawh hna zawh thawhkhat a nih avangin Chalfilh Group YMA leh Chalfilh bial huam chhunga khaw hrang hrang VC te chuan August thla atanga lungawilohna entir an tum chu an thulh.

0
239
views

Chalfilh Group YMA hruaitute leh Chalfilh bial chhunga khaw hrang hrang VC te hian Tuirini lei dawh hna PWD Mechanical Division-in an thawh leh PWD Highway Division II-in lei panna kawng siam hna an thawh chu tun thla ni 28, Inrinni khan a hmuna kalin an en a, hemi hnua thuchhuah siamin lei dawh hna zawh thawhkhat a ni ta chu lawmawm an tih thu sawiin, lei dawhtu leh kawng siam hnathawktu PWD chungah te, Chalfilh leh Tuivawl bialtu MLA, Dr. Ngurdingliana leh Pu RL Pianmawia te chungah te CYMA chungah te leh an harsatna sukiang tura anmahni puitu zawng zawng chungah lawmthu an sawi a ni. Hetihlai hian lei dawh leh kawng siam hnathawktu PWD hotute chuan he lei panna kawng Khawruhlian lam ami chu zawhfel ni tawh mahse, Sesawng lam ami chu la zawh fel loh deuh niin an sawi a, hun reilote chhunga zawhfel theih tur a ni tawh tih sawiin, tunah hian lei rawng hnawih hna pawh thawh mek a ni a, hetihlai hian PWD hotute chuan chak zawka hnathawh theih nan he lei hi tun dinhmunah zin veivak miten la zawh rih lo se an duh tih an sawi a ni. Hetihlai hian he thirlei dawhna chhak lama motor kal theiha lei dawh chu hman zui zel a la ni. Puan tawh angin Tuirinia thirlei bailey bridge dawh thar hi feet 210-a sei, feet 10 leh inchi 9-a zau, double double re-inforced a ni a, lei dawhna hmanrua hi a hlui lakkhawm a nih avangin motor rit phur a dawl zawh tawk tur chu PWD Highway Division II hotuten lei chak dan an enfiah hnuah an la bithliah dawn a ni.