Thil tih dan tur pawh inhrilhfiah nghal a ni. He inkhawm Lunglei DC Conference Hall-a neih hi Additional DC, Pu Benjamin Lalzama’n a kaihruai a, hetah hian Electoral Roll ennawn hnathawktu sorkar officer te, Political party hrang hrang aiawhte leh tlawmngai pawl aiawhte an tel a ni. Thusawiin Electoral Roll Observer, Pu H. Lalengmawia chuan Mizoramin Electoral Roll dik leh felfai tak a neih theih nan dik tak leh fimkhur taka thil ti turin hnathawktute a fuih a, inthlanna dik leh felfai a\anga sorkar \ha siam turin Electoral Roll \ha neih hmasak a \ul thu sawiin, party hrang hrang leh tlawmngai pawlte pawh sorkar thawhpui turin a ngen a ni. Mizorama Photo Electoral Roll Special Summary Revision neih mek hi nikum November ni 28 a\ang khan District hrang hrangah \an a ni a, inthun thar dil duhte tih dik leh tih danglam dil duhte tan tun thla ni 25 thleng hun hawn a ni a, hemi chhunga inthun dilna leh tihdik dilna te chu February ni 11 hma-in chinfel a ni ang a, Supplementary Electoral Roll chhut chhuah ngai leh thil tih dik ngaite chu February ni 18 hma-a zawhfel vek tur a ni a, Electoral Roll inthlannaa hman theih tur chu February ni 22-ah peihfel tur a ni.
