LADC Chairman Office Chamber-a lakluhna inkhawm neih hi LADC Secretary Pu K. Lalramliana’n a kaihruai a, LADC Chairman, Pu V. Zirsanga’n MDC thar Pu Sanghuliana Mualchin hi rinawmna thu tiam tirin Member of District Council atan a lalut a ni. MDC thar lakluhnaah hian LADC-a Chief Executive Member, Pu T. Zakunga bakah LADC-a Executive Member leh MDC engemawzat an tel a, MNF Party hruaitute leh Lai District Congress Committee hruaitute pawh an tel bawk.
Elected member 25 awmna LADC ah hian MDC thar lakluh tak nen hian MNF chuan Member 8 an nei ta a, rorel lai Indian National Congress chuan anmahni thlawptu Independent Member pakhat nen Member 17 an nei mek a ni.
