Tuna Mizorama Electoral Roll ennawnna neih mek ruala Tripura Bru Relief Camp 6-a Electoral Roll ennawn tel ve Mizoram Bru Displaced People Forum-in a ngenna chu vawiin khan Chief Electoral Officer, Pu Ashish Kundra leh NGO Coordination Committee hruaituten CEO Office-ah an sawihova, hetah hian Central YMA chuan Tripura Bru Camp-ah inthlanna kaihhnawih thil reng reng tih tawh loh ni se tia thutlukna an lo siam tawh chu an dinna a la ni reng tih CEO chu an hrilh a ni.

He meeting-ah hian CEO chuan Bru hruaitute ngenna tih hlawhtlin nan inthun thar dilna, form 6 Bru Camp-a thawn remti turin NGO Coordination Committee a ngen a, anni chuan an Committee sangin a ngaihtuah hmasak phawt loh chuan hemi chungchangah hian thutlukna an siam thei lo tih CEO chu an hrilh a ni.

He meeting-ah hian NGO Coordination Committee-a tlawmngai pawl hrang hrang, Central YMA, MUP, MHIP, MZP leh MSU aiawhte an tel a ni. CEO, Pu Ashish Kundra chu Additional CEO, Pu Krishna Mohan Uppu leh Joint CEO, Pu H. Lianzela ten an \awiawm a ni.