MHIP Sub. Hqrs. Lawngtlai chuan Zirtawpni khan Emergency Executive Committee Meeting neiin, hmeichhe saruak thlalak Social media a thehdarh a ni chu pawi an tih thu an sawi a, hmeichhiate zahawmna tichhe zawng chetna chu, a tawpthleng an do tlat tur thu an sawi a, tunhnu ah hetiang thil yhi thleng tawh lo se an duh thu an sawi.
MHIP Sub.Hqrs. Lawngtlai chuan Siaha nula, thlalak thehdarhtu chungchang ah, Chief Judicial Magistrate, Lawngtlai hnen ah, ziaka ngenna thehlutin, thlalak thehdarhtu leh diriam taka khawihtu a puh chu, dan anga nataka hrem an duh thu leh, bail a chhuah lo tura an duh thu an thlen a, MHIP te hian Lawngtlai S.P pawh lehkha thawnin, pawikhawihtu chu a phu tawk anga, na taka hrem a nih theih nan a rang thei ang bera an thil chhui zo turin an ngen a ni.
Hmeichhe pakhat saruak thlalak thehdarhtua puh hi ZT Lalhmingthanga hi LADC Sorkar hnuaia Forest Guard a ni a, Lawngtlai Police ten man tawhin District Jail ah a tang mek a ni.
