Tunhnai ruahsur avanga Lawngtlai District-a chhiatna thlen dan leh hmalak dan tur vawiin khan Disaster Management & Rehabiliation Minister, Pu C. Ngunlianchunga hovin Lawngtlai District thuneituten an sawiho.
Minister chuan chhiatna thlenga harsatna tawk ten DC lama report an pekte bawhzui vat anih \hin loh avangin Lawngtlai District-ah harsatna a thleng fo tih a sawi a, khuarel chhiatna vanga In chhia te,Tuikhuah leh thildang chhia report, hmuh tur awmlo \hin pawh thawktute inthlahdah vang a ni a ti a, Sawrkarin chhiatna tawkte chhawmdawlna tura sum a ruahman chu mipuiin an chhawr theihna turin Dept ten dik taka report an buatsaih a \ul a, chhiattawkte a hmunah kalchilha endik zel turin sorkar hnathawkte a hrilh a ni. Khuarel chhiatna lo thlena chhawmdawlna atan Mizoramin cheng vaibelchhia 35 nuai 90 a hmuh chu District hrang hrangah semdarh anih thu Minister chuan a sawi bawk. He Meetingah hian State Sawrkar Department hrang hrang aiawh te,Veng \henkhat VCP te leh Central YLA aiawhte an tel a ni.
