MPC hian ZPM-a an palaite leh committee peng danga awmte term a tawp tih hriattirna lehkha ZPM general Hqrs. ah Nilaini khan a thawn a, he lehkha hi Treasurer Pu V Lal\hazuala ziah a ni a, Zonet zawhna chhangin, Pu V Lal\hazuala hian he lehkha hi MPC hruaitu thlan tharte \hukhawm thuchhuak anga thawn a nih thu a sawi laiin, Vice President Pu Lalthansanga, (Chate-a) a erawh chuan a hriatpui loh thu Zonet zawhna chhangin a sawi thung a ni.
Pu V Lal\hazuala hian ZPM chu party hrang a lo nih tak avangin party danga va inrawlh chu party hrang ve tho an nih si avangin a remchang ta lo niin Zonet a hrilh a, hei vang hian Party a nih hmaa ZPM-a aiawh an tirh \hinte chu an hnukdawk tih Zonet zawhna chhangin a sawi.
Naktuk chhun dar 12:00 hian MPC President Pu Lalhmangaiha Sailo chuan Aizawlah Chanchinbumite a kawm dawn a, MPC party kaihhruai a tum dan a puan chian rin a ni.
Tunhnaia Election Commission in Party anga a ziah luh thar, ZPM hruaituten Nilaini-a chanchinbumite an kawmnaah ZPM-a tel zinga pawl 5-in pawl pakhat-a inchhun khawm an remti tawh tih an lo sawi tawh a, Party pakhata inchhunzawm chungchangah MPC hi an nghah mek thu leh hruaitu thlan tharten thutlukna duhawm tak an siam thuai an beisei thu an lo sawi tawh a ni.
