Tlabung khaw chhehvela Chakma khaw hrang hrangah pawh tuilian vangin chenna in \hahnem tak rauhsan a ni tawh a; Tipperaghat-ah chhungkaw 90 chuangin an in rauhsanin Nunsury-I a chhungkaw 5 leh Silkur-a chhungkaw 7-ten an inthiar chhuak bawk.
Tuilian vanga an awmna chhuahsantute hi sorkar enkawl trade facilitation centre, zirna in, MSU office, market building leh mimal inah te an insuan lut a, chhungkaw tam tak chu hmun remchang laia hulhliap zarah an awm lailawk rih bawk.
Tlabung SDO (C) thar Pu Henry C Lalrawnkima chuan a hna zawm tura nimin tlaia Tlabung a thlen veleh a pisa leh quarters a tlawh hmain tuilian vanga chhiatna thlenna hmun a tlawh a, mahni chenna in chhuahsantute chu an inkulh lailawkna hmuna a tlawh bakah, YMA Tlabung branch hruaitute chu chhawmdawl hna thawhdan sawipuiin a kawm nghal a, Tlabung SDO (C) thar hian a \ul apianga hman atan silpaulin \hahnem tak a pe bawk.
Hetihlai hian, nimin leh vawiina darkar 3 vel ruahbawhawk sur vangin, Tlabung khaw chhunga hmun thumah nasa takin lei a min a, Chawnpui vengah leiminin chenna in 1 hnawlin, leiminna bula chenna in la ding 2 te pawh a him loh avangin a luahtuten an rauhsan. Tlabung leh Lunglei inkalpawhna kawng pawh leimin hian a hnawh pin vek bakah, thingkung leh a zar tliakin kawlphetha lakluhna hrui hmun engemawzatah a vaw chhe bawk.
