Tunlai a khawvela hri leng mek Corona Virus chu ramri hnaih, Lawngtlai khawpui a cheng mipuiten an ngaihven hle a, hmaituam an intihhmuh chho mek.

Corona Virus laka inven nan khawlaia lengchhuak leh dawr nghak engemawzat chuan hmaituamna an hmang a, zirna In thenkhat ah phei chuan zirtirtu leh zirlaiten chawlhkar khat hmalam atang tawh khan hmaituamna hi an lo vuah tawh a ni.

Lawngtlai District hi Bangladesh leh Myanmar nena ramri thui tak nei a ni a, Sorkar hriatpuina a, mumal taka inkalpawhna a awm loh laiin, heng ram pahnih atang hian District chhung-a lut leh chhuak hi an awm deuh reng thung a, hei vang hian Corona Virus lakah pawh mipuite hi an fimkhur zual nia a lan thu Lawngtlaia kan corr chuan a sawi.