Champhai Police te chuan SP Office leh Champhai Police Station ah te kutsilna an dah ve ve a, Office dawr tur leh Staff-te zawng zawng chu Office an luh dawnah kut sil tir vek an ni a. Thawktute leh dawrtute pawh taksa inkhawih lova indawr turin Thana-ah pawh fimkhur takin ruahmanna kalpui a ni bawk. Champhai SP Pu Rex Zarzoliana Vanchhawng chuan ‘Police te chu fimkhur ngai ber an nih thusawiin pakhat lek pawhin Coronavirus a lo kai palh a nih chuan thawktu zawng zawngte khung hran an ngaih dawn avangin mipuite venhim kawngah harsatna lian tak a thleng thei a, hei vang hian fimkhur takin hma an la tih a sawi. Champhai DC Office-ah pawh Coronavirus laka invenna turin Office staff leh Office dawr turte chu endik vek an ni a, endikna paltlang lo te tan Office luh phal a ni lo, DC Office-ah District Hospital atangin Nurse 1 leh Staff 1 an duty a ni.
Champhai District Jail Superintendent Pu Zosangliana pawhin Jail tang te kan phal lohna thupek a tichhuak a, Jail tang thar leh tang sa tawh te’n virus an kai leh kai loh endik turin Jail Staff Nurse te a hriattir bawk. Champhai District Hospital-ah pawh damlo kan hun tihdanglam a ni.
