UD&PA Department-in Mizorama khawpui thlanchhuah 23-te zinga faina lama inelna a buatsaih mek tihhlawhtlin nan Kolasib Sub-Hqrs YMA leh UD&PA Department huaihawtin vawiin khan Kolasib khawpui tui tlan,‘Tuichhuahen’ hnar thenfai hnatlang neih a ni.

Hnatlang \an hma lawka inkhawmah thu sawiin Kolasib Bawrhsap, Dr. Arun T chuan Kolasib khawpui tui tlan hnar then thianghlim leh vawng thianghlim tura inzirtirna neih chu thil pawimawh niin a sawi a, bawlhhlawh reng reng dah khawma mumal taka sawngbawl a \ul thu a sawi bawk. Inkhawm kaihruaitu District Urban Development Officer, Pu PC Zonuntluangi chuan an nunphungah faina leh thianghlimna ngai pawimawh turin mipuite a fuih a ni. Kolasib khawpui tui tlan hnar thenfai hnatlangah hian sorkar hnathawkte bakah YMA member \hahnem tak an thawk chhuak a ni.