UD&PA Minister, Pu Zodintluanga’n Rangvamuala chenna in nei lote tana in sak luahtu tur, chhungkaw 160 hnenah an luah tur theuh nimin khan a hlan

0
464
views

UD&PA Minister, Pu Zodintluanga’n Rangvamuala chenna in nei lote tana in sak luahtu tur, chhungkaw 160 hnenah an luah tur \heuh nimin khan a hlan.

In luahtu turte hnenah hian number an pawh fuh dan ang zelin an dam chhunga an luah tura hlan an ni. Heng in te hi Jawaharlal Nehru National Urban Renewal Mission hnuaia Basic Services to Urban Poor Project hmanga chhungkaw harsa zual chenna tura sak a ni. A hawnna inkhawm Rangvamual Community Hall-a neihah thusawiin Pu Zodintluanga chuan chenna tur nei lote chenna tur hi Aizawl khawpui huam chhunga hmun 4-ah sak zawh tawh niin, Lawipu leh Durtlangah chuan a luahtu tur te hnenah hlan a ni tawh tih a sawi a, a luahtu tura thlante chuan an chenna in thar chu an dam chhungin an luah thei ang a, an fate pawhin an luah zui zel thei dawn tih a sawi a, midang hnena luah chhawn tirtute erawh chu hnawhchhuah an ni ang a ti. UD&PA Minister chuan Basic Services to Urban Poor Project hnuaia insak te hi mi rethei khawpuia chengte tan a ni tih sawiin, Chief Minister Housing Scheme hmangin chhungkaw harsa zual tan in sak \anpuina tur Rs 50,000/- an dawng thei dawn bawk tih a sawi. He inkhawmah hian bialtu MLA Pu K. Sang\huama pawhin thusawiin in luahtu tur te chu Rangvamual veng mi an nih tawh dawn avangin khawtlang hruaitute nen lungrual taka khawsa ho turin a chah a ni.