Amit Shah chuan eptu pawlten CAA nasa taka an dodal chu chhang letin, eptu pawlte mit chu politics vote bank hmanga tuam a nih vangin CAA nihna dik tak an hmu thei lo a ni a ti a, CAA chu dodalna nasa tak karah pawh hnawl a ni dawn lo tih a sawi.
CAA dodalna nasa tak thlenna hmun Lucknow-ah thu sawiin, Amit Shah hian Congress leh Samajwadi party te chu CAA chungchanga thu dik lo vawrhdarhah a puh a, India ram khawi hmunah pawh CAA chungchang debate nei turin a inpeih tih a sawi a, eptu party te chu khua leh tui nihna laksakna tur lai dan tharah a awm em tih a zawt a ni.
Uttar Pradesh hi CAA dodalna kaihhnawiha tharum thawhna thlen nasatna ber a ni a, mipui lungawi lo leh police te inbeihnaah mi 20 an thi a ni.
