Mizoram Baptist Kohhran, Lunglei Area Pastors’ Meet 2020 chu Sap Upa leh Pu Buanga Hall, Serkawn-ah vawiin khan neih a ni a. Lunglei Area chhunga BCM Pastor tel thei tura beisei mi 63-ah 58 an tel.

Chawhma hunah “Pastorte inpekna leh rawngbawlna’ tih thupui an zirho a, Rev. Dr. C. Vanlaldika, AGS – Mission thuziak an zirho a. Chawhnu lamah ‘Pastorte serh leh sang (rualtlanga hman dan) tih thupui hmanga AGS – Service, Rev. R. Lalbiakliana thuziak an zirho a, Rev. C. Chhuntluanga, Pastoral Coordinator-in Pastorte tana hriat tur pawimawh hrang hrang te a sawi bawk.

Mizoram Baptist kohhran, Lunglei Area huam chhungah hian Pastor bial 38-ah Pastor 68 an awm mek a. Tualchhung Kohhran 188 an awm a ni.