UN Security Council in mifirfiak pawla a puante laka chak zawka hmala thei turin Pakistan chuan ordinance hmangin dan a siamtha a, he dan siamthat hi President Mamnoon Hussain chuan a hming a ziah hnan tawh. Ordinance hmanga dan siamthat hi mifirfiakte do letna dan dinglai Anti Terrorism Act a ni a, he dan siamthat tak hmang hian Paistan Sorkar chuan mifirfiak pawlte lakah hian na zawka hmala-in an office khar sak leh an bank account khawih chet theih loa dah sak te thlengin a ti thei tawh dawn niin The Express Tribune chuan a tarlang. National Counter Terrorism Authority chuan hei hi a dik tih a nemnghet a, UNSC in mifirfiak pawla a puante zingah hian Al-Qaeda, Tehreek-e- Taliban Pakistan, Lashkar-e-Jhangvi, Jamaat-ud-Dawa (JuD), Falah-e-Insaniat Foundation (FIF), Lashkar-e-Taiba (LeT) leh pawl tenau dangte an tel a ni.
Chanchin Thar UNSC-in mi firfiak pawla a puante laka chak zawka hma la thei...
