UPC North East India, Aizawl East District hnuaia District Board Meetingvawi 115-na chu vawiin khan Ramhlun South-a District Committee Room-ah District Superintendent, Rev. Rosanga Kawlni kaihhruaia neih a ni. He Board meeting-ah thianghlimna lam inzirtirna chak zawka bawhzuia, zuk leh hmuam lama fihlimna tura \an lak dan turte, Kohhran member inchhiarna leh an chanchin kimchang chhinchhiah chungchangte, nau hlan leh inneih chungchang report dan felfai zawka siam dan tur te, kumin August thlaa rammut dan tur te, Biak In sak \hat dilna te sawiho a ni. He Board Meeting-ah hian District Superintendent, Rev. Rosanga Kawlni chuan District Board member atan Khawbung Bialtu Pastor, HP Ramfangzauva, Hnahlan Bialtu Pastor, R. Lalfamkima leh Ngopa Bialtu Pastor, K.Vanlalhlimpuia te chu a lalut a ni. UPC Aizawl East District huam chhungah hian Pastor Bial 30 a awm a, Tualchhung Kohhran 180 vel a awm bawk a ni.
