Naktuk Pathianni chawhmaah General Secretary, Rev. R. Lalrinsanga hnen a\angin Pathian thuchah ngaihthlak a ni ang a, zan lamah chuan General Supirendent, Rev. Lalmalsawma Sailo-in Pathian thuchah a sawi ang.
Kuminah hian District LAD leh Sunday School te chuan a hrana inkhawmpui an neih loh avangin Zirtawpni khan ro an rel a, LAD thu ngaihtuah langsar zual zingah Cancer veite puala thawhlawm khawn \hin chu chhunzawm nise tih leh, District chhunga De-Addiction Centre din rawtna te a tel a, Sunday School rorel inkhawmah palaite chuan General Sunday School Kumpuan, “Kan fate i chhanhim ang u” tih chu Bial hrang hrangin ngawrh takin bawhzui se an ti a ni. Inkhawmpui hi a vawi 25-na, Silver Jubilee a ni a, hemi pual hian naktuk tlaiah Jubilee ruai an kilho ang.
