UPC North East India hnuaia North Mizoram District LAD chuan vawiin khan Thenzawl Field Veng UPC Biak Inah District Conference, an Department kum 50 tlin, Golden Jubilee ni nghal an lawm.

0
456
views

 

Jubilee lawmna hi zing dar 9:30-ah Conference hmanna Biak In kawtah F. Rohlupuii Bible Woman kaihhruaia hman \an a ni.

District Superintendent Rev. Laltluanga’n Jubilee hriatrengna lungphun a hawng a, Rev. C. Lianchama’n jubilee mei a det hnuah jubilee baloon chhuah a, jubilee dar pawh vuak a ni bawk.

Biak In chhungah jubilee lawmna inkhawm neih zui a ni a, hetah hian Rev. C. Lalthantluanga’n jubilee souvenir a tlangzarh a, LAD zaipawl bial 10 chuang atangin an zai bakah mihrang hrang a\angin thusawi ngaihthlak a ni bawk.

UPC North East India hnuaia North Mizoram District hi District 11 zinga lian ber a ni a, Pastor bial 30-ah Kohhran 195 a awm a ni.