US-in Afghanistan-ah sipai 3,500 tirh belh dawn

0
277
views

United States-in Afghanistan ramah sipai 3,500 a tirh belh dawn ta a, hengte nen hian he rama sipai a dah chu 14,500 an ni dawn tih Defence hotuten an sawi. Defence Secretary, James Mattis chuan hei hi President Donald Trump-a Afghan policy bawhzuina a nih thu sawiin, Afghanistan ram atanga US sipaite hnuh kir hun tur chu sawi theih a la ni lo, a ti a, thla hmasa khan President Trump-a hian Afghanistan rama America sipaite chu hnuh kir thuai tumna a awm lo tih a lo sawi tawh a ni. Afghanistan rama US sipai thawn belh chungchang hi Defence Secy, James Mattis, Secretary of State, Rex Tillerson leh mi pawimawh dangte pawhin Congress hmaah an lo sawifiah tawh a, Joint Chief of Staff Chairman, General Joseph Dunford leh National Intelligence Director, Dan Coats pawhin an sawifiah tawh bawk.