Tlawng lui lian vangin chenna in pahnih hlauhthawnawm

0
360
views

Tlawng lui lianin Bairabi khaw zawna lui kam lei a lak hek zel chuan Bairabi South-a Ramthar Venga Pu Vanlaltluanga chenna in leh Bethlehem Venga Pi Lalchhuani te chenna in chu vawiin khan hlauhthawnawmin a siam a, hemi avang hian in neitu chhungkaw hnih hi hmun himah an inthiar chhuak a, an in chu lei khi leh lei che avangin luah ngam loh khawpin a dinhmun a hlauhthawnawm tawh a, hun rei loteah lui kuang lei hek zel hian an chenna in dinna hi tui luanna hmunah a siam thei dawnin a lang niin Bairabi South VCP, Pu H. Zirsangliana chuan a sawi. Bairabi khaw zawna Tlawng lui kuang zau zel hian Bairabi mipuite leh khawtlang hruaitute a timangang hle a, thil tih dan tur tha ber ngaihtuaha tan lak pui turin sorkar an ngen tih a sawi bawk.