Mizo Students Union-in ‘Zo Hnam Chhan Ni’ hmang dawn

0
382
views

Mizo Students Union-in naktukah ‘Zo Hnam Chhan Ni’ an hmang dawn a, he ni hi sumdawnna thila inchimral theihna ven nan, hnam dang sumdawngte dawr loh Ni atan hman an duh avangin Mizorama hnam dang sumdawngte chu an dawr khar vek turin an hriattir a ni. MSU thuchhuah chuan ‘Zo Hnam Chhan Ni’ an hman ni-ah hian Mizo mipuite chu hnam dang dawr lo-a Mizote dawr turin an ngen a. Mizoram hmun hrang hranga MSU chhungkuate pawh he ni-ah hian an awmna hmun theuhah hnam dangte dawr lo tur leh hnam dangte dawr khar a nih theih nana hma la turin an hriattir a ni. MSU General Headquarters chuan he Ni ah hian hnam dang mi, dawr hawng lui an awm a, harsatna an tawh pawhin MSU-in mawh a phur loh tur thu an sawi a ni.