Iran hian ram dangte nena nuclear lama inremna siam a\anga Trump-a kaihhruai US sorkar a inhnuhdawh hnuah ram dangte chuan he inremna hi chhawmnun an tum mek a, US hrekna lakah Iran an veng a ni. He inremna hi nuaibo a nih chuan Iran sum leh pai dinhmunin a tawrh theih avangin President Hassan Rouhani chuan inremna a siampui ram te chu an intiamna hlen turin a sawm a ni. Trump-a sorkar hian Iran Islamic Revolutionary Guard te chu mifirfiak pawlah a puang bawk a ni.
Kum 61 mi Takht Ravanch hi Europe leh America chungchanga deputy foreign minister ni mek a ni a, Switzerland palai a lo ni tawh \hin bawk. Kum 2015-a Tehran-in US, Britain, France, Russia, China leh Germany nena nuclear lama inremna a siam theih nana dawrtu zing ami a ni.
