US President, Donald Trump chuan US in khawvelah COVID-19 vei an ngah ber chu chawimawina angah a ngai tih a sawi.

0
45
views

Trump hian White House a thuthar lakkhawmtute hnenah COVID-19 vei tam lamah US in khawvel pumpuiah hma a hruai chu ramdangte aia hri vei leh vei lo an endik tam tawh zawk vang a ni a ti a, hri vei an ngah chu a lehlam kawng tak chuan thil tha zawk anga ngaih theih a ni a ti a, ram dangte aiin an endikna a tha zawk tih a ti lang a ni a ti.

COVID-19 vei an finfiah tam nachhan hi an ram damdawi lam thiamte hnathawh that vang a ni a ti bawk.

Khawvel pumpuiah US ah hri vei an tam ber a, Johns Hopkins University sawi danin US ah hian hri vei maktaduai 1.5 an awm a, mi Singkua sanghnih in an thihpui tawh a ni.

Hri vei tam lamah Russia chu pahnihna niin, mi nuai thum in an vei tih finfiah tawh a ni.

Bangladesh-ah chuan Coronavirus kai mi sing 2 sang 6738 an awm a, mi 386 in an thihpui tawh a, mi 5207 enkawl dam an ni tawh.

Myanmar ah chuan Coronavirus vei mi 193 hmuh an ni tawh a, thihpui mi 6 leh enkawl dam mi 104 an awm tawh a ni.