Sorkar thuchhuah tarlan danin Higher and Technical Education changtu ni bawk Dr. Thangtea hian Human Resource Development hotute hmuin Mizoram a RUSA kalpui zel dan tur a sawipui a, Financial Year thar a\anga kalpui tur RUSA Project III ah a bikin Mizoramin a mamawh College tihchangtlunna tur hmuh a nih theihna tur a thlen a, Tribal Affairs Minister Arjun Munda leh Renuka Singh Saruta te pawh an pisaah hmuin Mizoram Medical College a zirlai mipa leh hmeichhe Hostel sakna tur sum pe tura CM in lehkha a lo ziah tawh chu a bawhzui a ni.
Dr Thangtea hian Small & Medium Enterprises Secretary Arun Kumar Panda pawh hmuin Scheme for Upgradation of Traditional Industry (SFUTI) project Mizoramah kalpui ve a duh thu a thlen a, Micro Small Enterprise Cluster Development Program for Manufacturing Enterprises, atan financial Year tharah cheng Nuai 1000 dil theih ah, Mizoram chu telh ve a duh thu a hrilh a, MSME Secretary hian hmarchhak viltu Director Obijit Sharma chu Mizoram tana hmalak theih dan tur kawng dap turin a hrilh nghal a ni.
