Ni 4 kalta a\ang khan Saharanpur, Kushinagar leh Haridwar-ah zu chhe in vangin mi 116 an thi tawh a, mi 100 chuang damdawi ina enkawl mek an ni bawk a, hemi chungchang chhui chiang turin Uttarakhand leh UP Police te thawk ho chuan hmun engemawzat an dap a, mi 3049 manin, zu chhia litre 79,000 chuang an man bawk a, zu siamna hmunpui erawh an la hmuchhuak zo lo a ni.
Chief Minister Yogi Adityanath-a thupekin Uttar Pradesh sorkar chuan he thil chhuitu tur Special Investigation Team din a, Additional Director General of Police Sanjay Singhal-a kaihhruai SIT ah hian member panga an awm dawn a, ni 10 chhung an thil hmuhchhuah report thehlut tura thu pek an ni.
