Thuchhuah an siamah MNF \halai chuan, pangang hi nikuma Congress Sorkar hun lai a\ang tawha hriat \an a ni tawh niin an sawi a, state dangin nasa taka hma an lak laiin, khatih laia Congress kaihhruai Mizoram sorkar chuan a ngaihsak lo zawk niin an sawi. Kumin February thlaa Delhi-a Zonal Conference neihah pangang puang chungchang hi State hrang hrangte hrilh lawk an ni tih MNF \halai chuan an sawi a, hei hi MNF kaihhruai Sorkar chuan bawhzui nghalin, District Agriculture Officer tinte chu an huam chhung \heuh uluk taka vil tura tih an ni a, pangang hi hriat lawk lova puang thut a nih avangin lo inven lawk theih a ni lova, a puan hnuah Department officer te pawh hmun hrang hrangah an feh chhuak nghal a, hemi chungchanga hmalatu tur Rapid Response Team din nghal a ni, an ti.
MNF |halai chuan, MPYCC-in loneitute ngaihsak lo anga Agriculture Minister an puh chhan chu loneitute hmakhua an ngaih vang ni lovin, loneitute chhiat tawhna politics-a ham\hatna lak nana hman an tumna niin an sawi.
MNF \halai hian pangang puang mek chu khuarel chhiatna chikhat, dan theih loh nia sawiin Congress Sorkar laia Myanmar a\anga vawk lakluh vanga PRRS natna puang ang kha a ni lo an ti bawk.
