Agriculture Department hotute chuan, FAW in kumin April thla tir atang khan Mizoram hmun hrang hrangah vaimin a eichhe \an tih an sawi a, May ni 12 thlenga report an dawnah Fall Armyworm hian Vaimim chinna ram hevtare 2424 vel a luhchilh hman a, hei hi Mizorama vaimin chinna hmun zawng zawng a\anga chhuta za zela 68.49 tling hman tih an sawi a, dept. lamin a theih ang anga thlai te chhan tuma beiin tun thla ni 7 thlenga report an dawnah chuan Fall Armyworm-in a luhchilh leh tihchhiat hi hectare 186 ah a tla thla a, hei hi za zela 3.94 chauh a ni tawh tih an sawi.
Agriculture Department hotute FAW pangangin vaimin a beih te chu mithiamte thurawn angin enkawl zui a ni tih an sawi a, tam tak chu an rawn insiam tha leh a, rah an chhuah leh hlawm tih an sawi a, Rannung thahna leh a manna te hmangin pangang leh a thlahtu phengphehlep te suat a ni a, YMA te nen thawk hova hmun hrang hranga meipui an chheh chuan pangang thlahtu Phengphehlep suat kawngah awmzia a nei hle niin an sawi a, ruahtui a tlak zui bawk avangin pangang inthlahpung zel tur a nep phah bawk a ni.
FAW-in a tihchhiat hi tlahniam deuhin lang rih mahse, mithiamten kum 3 vel chhung uluk taka vil reng a ngaih thu an sawi avangin an la vil zui zel tih Agri Dept hotute chuan an sawi a, Vaimim chingtute pawh an thlai vil uluk zui zel turin an chah a ni.
