Sipai cinema hall hlui chei\ha-a luah nghaltu Assam Forest te hi MZP chuan vawiin ral hmaa chhuahtir turin sorkar an phut a, a chhuah tir lo a nih chuan, karleh Nilaini ralhmaa Bairabi Zophai hmuna Pu Ch. Chhunga leilet, Mizoram chhungah Zofate Chawlhbuk sa turin sorkar an phut a, chawlhbuk hi Mizoram Sorkarin a sa thei dawn lo a nih chuan MZP hian karleh Zirtawpni khian ”Ram chhan kawngzawh” huaihawt an tum a ni.
Sorkar laka an thil phut chungchangah hian tun thlengin inbiakna an la nei lo tih MZP President Pu L Ramdinliana Renthlei chuan Zonet zawhna chhangin a sawi a, MZP chu an dinna ngaiah din tlang an tum tih a sawi.
Hetihlai hian vawiin khan Kolasib District Magistrate Pu Zoengsanga chuan Vairengte leh Bairabi khawtlang hruaitute a titipui a, Zonet thudawn danin, ramri chungchangah harsatna a thlen lohna tur leh boruak muanawm a awm theihna tura sorkar hmalakna thlawp turin District Magistrate hian khawtlang hruaitute hi a ngen a, \hutkhawmnaa tel Police Dept aiawhte chuan Vairengte bulah hian Mizoram Police dah an nih thu an sawi a, Sorkarin a ngheta sipai dah a tum leh tum loh erawh an sawi thei lo a ni.
