Vairengte VC-I huamchhunga Village Level Task Force meeting vawiina neih chuan Assam leh Mizoram inrina, ramhnuaia Task force duty te chu kohchhuah rih nise an ti.
Meeting chuan, Volunteer ten theih tawp chhuaha Mizoram a lo luh ruk tum venga ṭhahnemngai taka an duty lain, Mizoram sorkar-in nitin mamawh ni lo, Non-Essential Commoditities phurtu lirtheite Mizorama luh a phalrai avang hian, Driver leh Handyman te nitin ṭhahnem tak Mizoramah an lut reng tho a, chuvangin ramri a duty hian awmzia a nei loah ngaiin, ramri a duty te hi kohchhua mai nise an ti a ni.
Hetihlai hian Vairengte a VC-II, VC-III, leh VC-lV huamchhunga Task Force te chu a ngai angin ramhnuaiah an la duty chhunzawm dawn tih thu dawn a ni bawk.
Vairengte VC–I Task Task Force duty-na hmun hi Police leh Task Force te a huhova an duty-na a ni a, Task Force ten duty in dah tawh lo mai turin thutlukna siam mahse, Police hotu te chuan heng duty Post ah te hian Police te hi duty tir reng an la nih tur thu sawiin, uluk lehzuala Police te an duty tur thu an sawi ve bawk a ni
