Mizoram Board of School Education hnuaia High School Leaving Certificate Examination, 2018 result vawiina tih chhuahah St. Pauls Higher Secondary School zirlai, Lalremsiama Darchhun leh Mount Carmel School zirlai, Royal Philem te pakhatna an ni.

0
566
views

Mizoram Board of School Education hnuaia High School Leaving Certificate Examination, 2018 result vawiina tih chhuahah St. Pauls Higher Secondary School zirlai, Lalremsiama Darchhun leh Mount Carmel School zirlai, Royal Philem te pakhatna an ni.

Zirlai exam 17,695 zinga 13,563 pass-in, Pass percentage chu 76.65 a ni a, nikuma Pass Percentage 72.17 aiin, zaa 4.48-in a sang zawk a, kumina HSLC Result hi kum 1978 a\anga MBSE in HSLC Exam a buatsaih \an a\anga Pass Percentage san ber \um a ni. HSLC pass thar te hi Regular student 13,392 leh private-a exam mi 171 an ni a; mipa 6,478 leh hmeichhia 7,085 in an pass a. Distinction-ah mi 1,068 an pass a; First Division-ah 3,725, Second Division-ah 5,107 leh Third Division-ah mi 3,663 an pass a. Pass zo ve ta lo zirlai 3,787 an awm a, zirlai 345 hnenah Compartmental Chance pek a ni a. Compartmental chance neite tan hian June ni 21-ah District Headuarters tina Exam Centre 8-ah exam hi buatsaih a ni ang.

HSLC Result-ah hian a ti\ha zual 10 zingah Aizawla St. Pauls Higher Secondary School zirlai tam berin mi 5 an lang a, Aizawla Mt. carmel School zirlai 2 langin, an ni bak hi Top 10-a zirlai pakhat aia tam thawh an awm lo a ni. A pumpuiah mark 500 a\anga mark 477 hmutu St. Pauls Higher Secondary School zirlai, Lalremsiama Darchhun leh Mount Carmel School zirlai, Royal Philem chu pakhatna an ni a, St. Pauls HSS zirlai, Lalrinnungi leh Serkawna Baptist HSS zirlai Lalrintluanga te chu pahnihna an ni a, St. Joseph HSS zirlai, Merilyn VL. Hriatpuii leh Darlawna Don Bosco School zirlai, John Malsawmsanga chu pathum an ni a. St. Pauls HSS zirlai, Lalthlamuanpuii leh Lungleia Sacred Heart School zirlai, Swagatalokhi Bhattacharya chu palina, Mount Carmel School zirlai, Nicky Lalnunmawia chu panga-na, St. Pauls HSS zirlai, Lalmalsawmi chu parukna, Home Mission School zirlai, Rosangzuala Ralte chu pasarihna, St. Pauls HSS zirlai, Lawmsangzuali chu pariatna, Khawzawl Vengthar Presbyterian English School zirlai, JK. Malsawmzeli chu pakuana niin, Sentea Memorial High School Aizawl zirlai, Lalhriatpuia Sailo, Kolasin-a St. John’s HSS zirlai, Ruthi Malsawmzuali leh Lungdaia Snow White High School zirlai, Garry Malsawmhlua Rokhum chu sawmna an ni a. A ti\ha zual 10-ah hian zirlai 16 an lang a, an zinga 14 chu Mizo zirlai an ni a, pakhatna a\anga palina thleng mi pahnih awmin, sawmnaa mi 3 an awm bawk.

Regular Candidate zingah Siaha District chu a ti\ha ber niin, zaa 86.26 an pass a; Serchhip District-ah zaa 85.42, Aizawl District-ah zaa 83.03, Champhai District-ah zaa 77.48, Lunglei District-ah zaa 69.72, Kolasib District-ah zaa 68.99, Mamit District-ah zaa 66.44.23 leh Lawngtlai District-ah za a 59.15 an pass a. Sorkar enkawl School-a zirlai zaa 72.07 an pass a, Deficit school-ah za a 92.55, Aided School-ah zaa 73.25, Lumpsum Aided School-ah zaa 81.46, Private school-ah zaa 79.91 Pass-in, Private Candidate zinga za a 51.98 an Pass bawk a. Exam zawng zawng pass vekna sikul 105 an awm laiin, Candidate-te fail vekna sikul 15 a awm a. Nikum khan Candidate zawng zawng pass vekna sikul 73 leh fail vekna sikul 26 a awm a ni. Kumin HSLC Exam-ah hian candidate inziak lut 18,335 an awm a, exam leh ta lo 640 an awm a. Subject mala mark 100 hmu mi 2 an awm a, mark 99 hmu mi 1 a awm bawk.

Mizoram Board of School Education-in kum 1978 a\anga Exam a buatsaih a\angin kumin hi Result \hat ber \um a ni tih MBSE Chairman Pu F. Lianhmingthanga’n Zonet a hrilh a. A kum tela HSLC Result a \ha chho zel chu thil lawmawm tak a ni tih a sawi.
————

HSLC Examination, 2018-a pakhatna, Tanhrila Pu Vanlalpeka fapa, Lalremsiama Darchhun chuan a hlawhtlinna chu Pathian vang a nih piah lamah a chhungte thlawpna \ha tak dawn vang a ni tih Zonet a hrilh a. Pakhatna nih hi a inring phak lo nia sawiin, Nuclear Engineer nih chu a thil tum ber a nih thu a sawi.
——–

Zirlai pawl hrang hrangten vawiina MBSE-in HSLC Exam Result 2018 tluang taka a tichhuak chu lawmawm an tih thu an sawi hlawm a. Students’ Self Support Union chuan, zirlai hlawhtlingte an lawmpui rualin, hlawhtlin ve rih lote chu beidawng mai lova, tumruh sauh sauh turin a chah a. Kum danga Top 10-a la lang ngai lo school an awm nual chu an lawmpui thu an sawi bawk.

Mizo Zirlai Pawl (MZP) pawhin, HSLC Result tihchhuah a ni ta chu lawmawm an tih thu sawiin, kumtina an lo tih \hin angin, HSLC Top-10 Mizo tlingte chu May ni 10 hian Lal Thanhawla Auditorium-ah chawimawi an nih tur thu an puang a. Hetah hian zirlaite leh zirlai nu leh pa a tam thei ang ber kal turin an sawm a ni.

Mizo Students’ Union (MSU) pawhin kumin HSLC-ah MBSE in Exam a huaihawt tawh Pass \hat ber \um tawng a, zirlai za 76.65 zet an Pass chu lawmawm an tih thu an sawi a. MSU chuan kumin hi Zirna Uar kuma alo puan tawh angin Mizo zirlaite, zirna uar deuh deuh tur leh tun aia tan la thar turin an ngen a ni.