Vantawng Group YMA in an huam chhungah Airgun leh Sairawkherh hmanga Sava veh lo turin mipuite ngen

0
364
views

Vantawng Group YMA in an huam chhungah Airgun leh Sairawkherh hmanga Sava veh lo turin mipuite an ngen. Vantawng Group YMA puipate hi nimin khan Thenzawl Bazar Venga Vantawng Group YMA Run-ah an \hukhawm a, an huam chhunga ramngaw, nungcha leh luidung an humhalh mek chu hlawhtling thawkhata an hriat thu sawiin, nasa lehzuala \anlak ni se an ti a. Tun hmaa hma an la lak ngai lohna Sava humhalh tura \anlak thar ni se, hemi atan hian Vantawng Group YMA huam chhungah Airgun leh Sairawkherh hmanga sava lam chi reng reng veh emaw tihnat emaw an khap tih an puang a. Tunlai hi Savaten tui nei a, bu an awp lai a nih avangin a tina zawng che lo turin mipuite an ngen a ni. Vantawng Group YMA chuan an huam chhunga khaw pahnih Serchhip District-a la awm lote chu a awm theih nan chak zawka hmalak ni se, an ti bawk. Vantawng Group YMA huam chhungah hian Thenzawla Branch YMA 9 bakah Kanghmun South, Zote South, Neihloh leh Buangpui Branch YMA a vaiin, Branch 13 an awm a ni.