Pu Zodintluanga Resolution putluh hi ‘BJP rorelna hnuaiah India ram sakhaw zalenna humhim a nih zel theihna turin Mizoram sorkar hian Sorkar laipuiah ziakin ngenna thlen rawh se’ tih a ni a, resolution a luh rual hian MNF member Pu Lawmawma Tochhawng chuan a thu siam danglamna rawtna resolution a pulut nghal a, member ten an sawiho hnuah, Pu Lawmawma To chhawng putluh ‘India rama sakhaw zalenna humhim anih zel theih nan Central sorkarin chak takin hma la rawh se’ tih chu pass a ni.
Resolution pulutu Pu Zodintluanga chuan BJP sorkarna hnuaia Kristiante tawrhna zawng zawng chu mipuite hriat a ni a ti a, sawi hona-a rorellai pawl aiawha thusawitute chu BJP an hlauh chhan zawtin, central sorkar chu hlauh chhan tur an awm lo a ni a ti a, Finance Commission chu state tin sum hmuh tur bithliahtu a ni a, central sorkar chu hlauh chhan tur a awm lo a ni a ti.
House leader, Chief Minister Pu Zoramthanga chuan resolution lut leh a siam \hat rawtna lut chu a kawh inang lo a ni a ti a, central sorkarah party hrang hrangin ro an lo rel tawh \hin a, BJP in an rilrua an lo neih te, congress in an lo ti tawh, Kristian te tana \ha lo chu do zel tur a ni a, Kristian te tih duhdahna chu BJP hnuaiah pawh, Congress sorkarna hnuaiah pawh a tam tih sawiin, a \ha lo vek a, chuvangin ‘sakhaw zalenna humhim anih zel theihna turin central sorkarin chak takin hma la rawh se’ tih chu a pass dan tur zawk a ni a ti.
