Vawiin hi MHIP day vawi 46 na a ni a, hri leng vangin kum dang angin hman theih ni lo mah se, Branch hrang hrangten an mahni remchan angin an hmang a.

0
26
views

He ni pual hian an pawl General Headquarters hruaitute chuan hri leng mek Covid 19 dolet nan Chief Minister Relief fund-ah cheng sing thum an pe a, Covid 19 vanga ramri-a duty nunna chan te Sangau khua Nl. Carolyne Lalvenchhungi, Siaha Dist.-a Khopai khuaa Tv. Nelson K . Beizachhi leh Mamit dist a Zawlnuam khaw mi, Pu Lalpianvula te hnenah ralna cheng sing khat theuh an pek bakah June ni 29 a Tuikhurhlua chenna in kangral ta Pu Vanlalthlana te tanpui nan cheng sang 5 an pe a ni.

An pawl President Pi Lalthlamuani chuan, MHIP member te chu hri leng do kawnga hmalatute tawiawm tura chahin an huam chhung theuha tanpui ngaite tana luang chhuak turin a chah a, ramri-a duty te hnena MHIP Sub-Headquarters, Blocks, Joints leh Branch ten tanpuina an pe chu lawmawm a tih thu sawiin MHIP thupui ‘Mite tanpui’ tihhlawhtlinna pawimawh tak a ni a ti a, MHIP member te chu mahni chhungkua theuhah thianghlimna kawnga tan la tur te, thuawina zir thar leh tur te, hri leng laka himna tura tawktute tana thahnemngai taka tawngtai tur te in a chah a ni.