Sport Minister chuan, sorkar-in hmasawnna hnathawhna tur projects hrang hrang a siamte Central Sorkar-a lo bawhzuitu tur chu MP-te an ni tih sawiin, tuna Mizoram aiawha Lok Sabha member thlan turah pawh Ruling Party Candidate, Pu C. Lalrosanga chu vote vek turin Lunglei mipui te a sawm a ni. Sorkar tharin Zoram chhimlam tan Lungleiah MZU Southern Campus dah turin \an a la nghal tih sawiin, Pu Robert Romawia Royte chuan, Lungleia College khawi emaw berah Tourism Course zirna siam a nih tur thu a sawi bawk. MNF Sorkar hmasain bul an lo \an tawh Zobawk State Sport Academy pawh sak zawh thuai a nih tur thu leh infiamna lama theihna nei \ha bik zirlai naupang 100 chu hostel-a daha sang tak thleng thei tura enkawl an nih tur thu a sawi. Lungleia MNF Campaign kharna inkhawm hi Venglai Mizofed Kawtah neih a ni a. He inkhawm hi Lunglei East bialtu MLA, HPC Vice Chairman nibawk Pu Lawmawma Tochhawng-in a kaihruai a ni.
