Vawiin Session-ah sorkar leiba thinna tur dan dinglai siamthatna tur, The Mizoram Public Demands Recovery Amendment Bill, 2018 lungrual taka pass a ni

0
365
views

Vawiin Session-ah sorkar leiba \hinna tur dan dinglai siam\hatna tur, The Mizoram Public Demands Recovery Amendment Bill, 2018 lungrual taka pass a ni. He bill puluttu, Finance Minister, Pu Lalsawta chuan he dan hi tun hmalam khan Land Revenue & Settlement Deptt. hnuaia dah a nih thu te, kum 2010-ah siam\hat a nih thu te, Taxation Deptt.-in \angkai zawka a hman theih tur a nih thu te, Finance Deptt.-ah pek a nih thu te sawi hmasa-in he dan hi sorkar leiba \hin kawnga dan \ha leh \angkai taka hman theih tur, mahse tun thlenga a \angkai dan tur anga la hman loh niin a sawi a, dan siam hmasak Principal Act-a section 48-na chu tidanglamin \angkai zawk leh \ha zawka sorkar leiba \hin nan hman tur a ni dawn niin a sawi a ni. Finance Minister chuan he dan section 14-na siam \hat angin Mizorama Bawrhsap office hrang hrang 8-ah SDO te chu Certificate Officer-ah ruat an ni ang a, chumi te chuan Deptt. hrang hrang a\anga sorkar sum bat te chu Certificate pe chhuakin an \hing thei anga, an sum puk tam dan a zirin \um khatah emaw, thla hnih a\anga thla 30 chhung emawa an rulh tlak dan tur ruahman sak an ni dawn niin a sawi a, sorkar leiba rul \ha duh lo leh thei lo te chu an thil neih hralh sak emawa rulh tir an ni ang a, rul duh lote chu mana jail tan tir theih an ni dawn niin a sawi a ni.