Women and Child Development Director, Pi Vanlalpianpuii’n invenna thuam PPE leh hmanraw dangte hi vawiin khan a pe a. Aizawl District chhungah hian Children’s home 22 a awm a, Director hian hri leng laka naupangte himna tura hmalak dante a enfiah nghal a ni.
State Child Protection Society leh District Child Protection unit, Aizawl te tangkawpin naupangte enkawlna hmunte hi hrik thahna hlo, Disinfectant hmangin an phuh fai mek a, naupangte leh thawktute an him theihna turin hri leng laka invenna hmanruate pek chhuah a lo ni tawh bawk. Women and Child Development Director hi District Child Protection Officer Pu James Lalthangmawia leh thawktu dangten an tawiawm a ni.
