World Bank Road-ah LPK Truck chesual

0
471
views

Vawiin tlai dar 4:30 vel khan World Bank Road, Chite lei bula leivung paihna hmunah LPK Truck chesualin, kawng thlangah a tla a, a khalhtu Zoramchhana Bethlehem Vengthlang chu a dinhmun hriatchian theih a la ni rih lo. A hmuna kal Zonet palai sawi danin, he motor hi Pu Lalthanmawia Bethlehem Vengthlang ta a ni a, motor lumna lai hi a awih deuh avangin chhanchhuah hna chak taka thawh theih a ni lova, thil awmdan kimchang nghah mek a ni. Helai hmunah hian Motor hi leivung paih tura kal nge, thil dang tia kal a nih hriat a ni lova, a khalhtu bakah hian midang chuang ve an awm leh awm loh pawh hriat a la ni lo. He chetsualna hi a thleng tih hriat a nih veleh Bethlehem Vengthlang mipui leh a chheh vela mite an pung khawm nghal a, a \ul angin a zawn hna an thawk nghal a ni.