World Health Organization leh Health & Family Welfare Ministry ruahmanna siam anga mihringte hri danna pek a nih hnua ngaihthatlohna awm thei leh inlamrelna awm thei chungchang zirhona, State Adverse Event Following Immunization Surveillance Workshop chu vawiin khan Aizawlah neih a ni.

0
339
views

He workshop-a khuallian National Health Mission Mizoram Director, Dr. Lalrozama chuan khawvela vaccine hman za zela 70 hi India rama siam leh sem chhuah a ni a, a \hat leh a him em em rualin engemaw vanga harsatna thleng a awm ve \hin tih sawiin, chung sawiselna tam tak chu hri danna vaccine kaihhnawiha thleng ni miah lo mah se, ngaihbel theih tura thil engemaw a awm thei niin a sawi a, chutiang thil chu hriat a nih veleh enfiah zel a ni a, chu chu Immunization Surveillance thil tum ber niin a sawi a ni. Dr. Lalrozama chuan hri danna vaccine pek chu hriselna atana thil pawimawh leh thil zel tur niin a sawi a, thingtlang kilkhawra cheng mi harsa zawkte chu an awmna hmunah pana hri danna pek hram hram a \ul tih a sawi bawk a ni.

He Workshop-ah hian Dr, Vineet Goyal, Dr. Subhajit Bhattacharjee, WHO a\angin Dr. Lalhlimpuii, Ministry of Health & Family Welfare a\angin Dr. B. Lalrambuatsaiha leh State EPI Officer, Dr. Lalzawmi ten an chanpual \heuh an hrilhfiah a ni.