Health and Family Welfare Department Principal Director Dr.F.Lallianhlira’n he programme hi Aizawlah a hawng a, hemi rual hian ni 2 awh tur thawktute tan Training buatsaih nghal a ni bawk.
NVHCP hnuaiah hian kum 2030-ah chuan Hepatitis natna hrang hrangte umbo anih theihna tura hmalak a ni dawn a, Hepatitis venna damdawi chu sorkar laipui ruahman angin damlo enkawltu hrang hrang, damlote nena inngheng hnai zual ten an la hmasa ang a, nakkum atangin mipui nawlpuite pawhin awlsam zawkin a thlawnin an dawng chhunzawm chho zel dawn a ni.
Mizorama NVHCP bul\anna hi NHM Mission Director Dr. Eric. Zomawia’n a kaihruai a, Mizoram State Health Care Society-a Officer on Special Duty Dr. Lalthanpara chuan Hepatitis chu Health Care Scheme ah huam tir a nih thu leh huam zau zawka kalpui thei tura inbuatsaih a nih thu a sawi.
Hepatitis enkawlna hmun Model Treatment Centre hi Civil Hospital, Aizawl-ah din a ni tawh a, District Treatment Centre pawh District Hospital tinah dah a ni tawh bawk a ni.
