World Soil Health Day Mizoramah hmang

0
355
views

Khawvel hmun dang rualin vawiin khan Mizoram hmun hrang hrangah World Soil Health Day hman a ni a, a hmanna inkhawm lian ber, Selesiha College of Veterinary Science & Animal Husbandry Conference Hall-a neihah State Planning Board Vice Chairman, Pu H. Liansailova chuan lo neitute chu tunlai thiamna hmang \angkaia buh leh thlai tam zawk thar chhuah tum turin a fuih a, tunlai thiamna hmanga Soil Health Card an siamte pawh hman \angkai tur leh an leilet lei awm dan enfiahtira, a ngeih zawng thlai leh buh chin tum turin a fuih bawk. He ni hmanna-ah hian he College Dean, Dr. Lalnuntluangi Hmar pawhin lei hriselna ngaih pawimawh thar a \ul thu te, leilungah hian za zela 12 vel chauh buh leh thlai chin theihna atana hman \angkai theih a awm avangin \ha tak leh duat taka enkawl a \ul thu a sawi bawk. Vawiin vek khan North Vanlaiphai KVK leh SDO Civil \angkawpin North Vanlaiphaiah World Soil Health Day an hmang a ni.