YMA day vawi 83-na chu vawiin khan YMA branch hrang hrangin uar takin an lawm

0
259
views

YMA day vawi 83-na chu vawiin khan YMA branch hrang hrangin uar takin an lawm.

YMA day lawmna Venghlui-a hmanpuitu Central YMA President Pu Vanlalruata chuan khawtlang a lo nawma ram leh hnam humhalh nan YMA tih chak a ngai tih a sawi a, Venghlui Branch YMA dinchampha kum 50 na, Golden Jubilee leh YMA day lawmna ni bawkah hian Pu Vanlalruata chuan, ram dang mi leh hnam dang thurualpuia mahni hming hawhtira sumdawnna kalpui \hin an awm \hin chu ram leh hnam chimralna thlen thei anih avangin sim a ngai a ni a ti a, hnam dangin mizote an chim ral loh nan insiam \hatna hun a la awm a, ram leh hnam humhalha hmangaih tur leh mahni Mizo pui te hmangaih kawngah \an lak thar a \ul tih a sawi a, dawr leh inluah tur nei te pawhin hnam dang luah tir lova mahni mizo pui te ngei luah tir nachang hriat thar leh a ngai a ni a ti. Pu Vanlalruata chuan, YMA ngaihpawimawh lohna awm \hin chu \ha lo a tih thu sawiin hetiang ngaihdan \ha lo hi tih bo a ngai a, YMA day chu khawltang inpawhna thar thlen tirtu atan hman thiam tur a ni a ti. Pu Vanlalruata chuan, Mizoramah pawl hrang hrang tam tak awm mahse YMA chu mi zawng zawng len theihna pawl awm chhun a nih thu a sawi a, YMA day vawi 83 na a thlen tawh avangin puitlin lam pan a hun tawh a ni a ti. Naupiang zat tlem lutuk chungchang sawiin Pu Vanlalruata chuan, Mizote harsatna tawh tam tak chu tam tawk loh vang a ni a ti a, fa neih tam tur leh hriselna ngaihpawimawh tura inzirtir thar leh a ngai a ni a ti.

Ruihhlo do chungchang sawiin Pu Vanlalruata chuan, Central YMA in kum 2004 a\angin ruihhlo do a puang a, a tira an hma lak danah fuh tawk lo deuh te awm mahse an hmalakna chu Pathianin mal a sawm tih sawiin ruihhlo avanga thi pawh an tlahniam hle tih a sawi a, tunah ruihhlo avanga thi an pung chho leh ta chu \an lak thar a ngaih zia a ti langtu nih thu a sawi bawk.

Venghlui Branch YMA hian an dinchampha pual hian an veng chhunga miharsa te tanpuiin, a thlawnin ei tur an sem bakah damdawiin ah luanchhuah na an nei a, hei bakah infiamna chi hrang hrang hmangin section inelna an buatsaih bawk.

Inkhawm hi Branch President Pu Lalkohchhuaha’n a kaihruai a, hruaiitu hlui chawimawina an neih bakah Jubilee zaipawl leh YMA chhang ten hla an rem bakah mal zai te ngaih thlak a ni a, tlaiah Jubilee lawmna ruai an \heh a ni.