YMA General Conference neihna tur Seling leh Champhai kawng chhe lai siam tha mek

0
568
views

Thla leh October ni 17 a\anga ni 19 thlenga Champhaia YMA General Conference neihna tur Seling leh Champhai kawng chhe lai chu beihpui thlaka siam \hat zel a ni a, PWD Highway hotute sawi danin, he kawng chhuat hi a chhiat nasat tawh avang leh hmun tam takah kawng khuar, tui tlin theihna a awm avang te, lei minna hmun engemawzata lei tla zui zelin kawng a hnawh pin \hin avangte-in beihpui thlaka thawh a ngai a, kawng khuar lai leh nal lai hnawh nan Keifanga BRTF lung quarry khar tawh chu hawn leha lung lak nan hman zui leh tawh a ni a, hemi bakah hian Keifanga mimal quarry 3 a\angte, Champhai lama mimal quarry leh Chawngtlaia mimal quarry a\angtein lung laka phah zel a ni a, khaw awm danin a zir chuan YMA General Conference thlen hmain kawng khuar zual lai leh nal lai zawng zawngah lung phah zawh hman vek theih an beisei thu an sawi. Blacktop hna erawh chu fur laia thawh chi a nih loh avangin kawng hi chu blacktop rih lovin, lung phaha motor kal theiha tihmam a ni dawn niin an sawi a ni. He hnathawh mek tibuai thei tura motor lian a tlan loh nan Champhai Bawrhsap chuan Champhai leh Seling inkara motor lian intlan chhawk ni tur a siam a, Seling a\anga Champhai pana kal theih ni chu Thawh\anni, Nilaini leh Zirtawpni a ni a, Champhai a\anga Seling pana kal theih ni chu Thawhlehni, Ningani leh Inrinni a ni thung a, Pathianni-ah erawh chuan motor intlanchhawk a ngai lo a ni. He khapna thupek hi Keifanga Police duty leh Champhaia Police duty ten an keng kawh nia thu dawn a ni. Vawiin vek khan PWD Highway Chief Engineer, Pu K. Lalsawmvela, Central YMA Assistant Secretary, Pu R. Lalngheta, Engineer dangte leh he kawng siam hnathawktu, Zonuam Veng mi, Pu V. Lalengzauva chuan |huampui a\anga Tuirial thleng kawng chhe zual lai siam \hat dan tur, a hmuna kalin an enfiah a, Pu V. Lalengzauva chuan October ni 10 velah chuan a khuar zual lai leh nal zual lai lunga hnawha siam \hat zawh fel theih a beisei thu, PWD hotute chu a hrilh a ni.