Youth Recreation Centre sakna tur hmun laiha tui tlingah mipa naupang 2 tla hlum

0
280
views

Vawiin chawhnu khan Falkland Venga Central K|P rama Youth Recreation Centre sakna tur hmun laiha tui tlingah mipa naupang pahnih an tla hlum. Falkland Veng Branch YMA hruaitute hnen a\anga thu dawn danin, heng naupang vanduaite hi David Vanlalchhuanga, kum 6 vel, Pu Lalremliana fapa leh Hmangaihsanga, kum 5 mi vel, Pu Rinawma fapa an ni a, an tui chenpuiten tuiah an tla tih a bul vela mite an hriattir hnuah heng mite hi zawn nghal an ni a, lak chhuah an nih chuan an lo thi hman tawh a ni. He vanduaina thleng chungchang hi anmahni bialtu, Bawngkawn Police Station hriattir an nih veleh Police te chu an tlan nghal a, thil tihfel ngaite an tifel nghal a ni. Heng naupang pahnihte hi naktukah vui an ni ang.