BJP hruaituten Chakma Autonomous District Council-a Sorkar intawm siam dan tur sawi ho, an thutlukna hriat theih la ni rih lo

0
249
views

BJP hruaituten Chakma Autonomous District Council-a Sorkar in\awm siam dan tur vawiin khan Aizawla Hotel Regency-ah an sawi hova, an thutlukna hriat theih a ni rih lo. CADC-a BJP member 5 zinga 3 – Pu Shanti Jiban Chakma, Pu Shanti Jiban Chakma leh Pi Kusum Lota Chakma chuan vawiin chhun dar 12 vel khan Aizawl lo thlengin, Zarkawta Hotel Regency-ah an Party hotute nen an inkawm nghal a. Hetah hian sorkar siam dan tur ngaihtuah tura ninima Mizorama lo kal Delhi-a BJP Observer, Mizoram changtu Pu Pawan Kumar, Guwahati-a North East Zonal General Secretary, Pu Ajay Jamwal leh Mizoram State BJP hruaitute nen BJP MDC 5-ten Congress thawhpui an remtih thu nimina an puan chungchang te, hemi hma lama MNF nena thawh ho an remtih thu an lo puan tawh chuangchang leh sorkar siam tura thil pawimawh hrang hrang an sawi hova, tlai dar 5 thleng khan an thutlukna hriat theih a la ni rih lo a ni. Puan tawh angin, CADC ah Party mala sorkar siam thei an awm loh avangin member 8 nei MNF leh member 5 nei BJP chuan Sorkar in\awm siam an tum thu Vote chhiar ni, thawhlehni khan an puang nghal a. BJP MDC lam chuan nimin khan thuthar neiin, member 6 nei Congress nen thawh ho an tum zawk thu an puang a. Nimin chawhnu khan Congress leh BJP Joint Legislature Party din thar chu Chawngte Tourist Lodge-ah \hukhawmin, an hruaitu atan Chhotapansury bial a\anga BJP ticket-a thlantlin, Pu Santi Jiban Chakma chu Congress leh BJP Legislature Party chuan CADC Chief Executive Member atan an pawm a, an thutlukna siam hi an pawm vek tih entirnan an hming an ziak hlawm a ni. He Joint Legislature Party \hukhawm chuan Vaseitlang bial a\anga Congress ticket-a thlantlin, Pu Buddha Lila Chakma chu Deputy Leader atan an ruat a, Mandirasora bial a\anga Congress ticket-a thlantlin, Pu Onish Moy Chakma chu an Legislature Party Secretary atan thlan a ni bawk. He \hutkhawmnaa tel ve Congress Legislature Party Treasurer, Pu Zodintluang chuan, CADC-a Congress leh BJP \angdunin sorkar an din tur chu Party pahnih MDC-te duhdan leh \ha tih anga siam a nih thu leh he thawh hona hian Delhi leh Mizorama an Party hruaitute thawh dunna lamah nghawng a nei dawn lo nia sawiin, Chakma Autonomous District Council huam chhungah chauh thawh dunna hi kalpui a ni dawn niin a sawi a ni. Puan tawh angin thawhlehnia Chakma Autonomous District Council inthlan result puan takah Party mala sorkar siam thei an awm loh avangin member 5 neitu BJP leh member 8 neitu MNF chuan \angrual sorkar an siam tur thu vote chhiar ni khan an puang a, MNF President, Pu Zoramthanga chuan \angrual sorkar an siam turah MNF chu member ngah zawk a nih angin dinhmun \ha zawka an din a beisei thu thuthar lakhawmtute a lo hrilh tawh a ni.

Vawiina sorkar siam dan tur an sawiho kar laka an party chhung inkawma thu a sawinaah Mizoram State BJP President, Prof. JV Hluna chuan, eng Party nen pawh thawh ho dawn mah se, an party-in a duh ber chu Chief Executive Member chan a nih thu a sawi a. An hotute ruahmanna dan chuan, Chakma Autonomous District Council-a BJP President, Pu Shanti Jiban Chakma chu Sorkar thar siam turah CEM atan ruat a ni dawn a, Kamalanagar West a\anga thlan tlin, Pu Sanjeev Chakma chu Chairman tur niin, he inthlanna hmeichhe tling awm chhun, Borapansury II bialtu MDC, Pi Kusum Lota Chakma chu Executive Member a nih tur thu a sawi. An Party MDC 5 zinga 3 chauhin Aizawl an lo pan chhan chu an mahni an insiamreng vang a nih thu pawh sawiin Prof. JV Hluna chuan, a hmun nghaktu indah \haa an hriat vang a nih thu leh, an vaia remtih tlannna hetiang ruahmanna hi siam an ni tih a sawi. Chakma Autonomous District Council-a BJP President, Pu Shanti Jiban Chakma pawhin, an hmalaknaa an hotute thlawpna an hmu \ha chu an lawm hle tih a sawi a. An party-in chak zawka hma a sawn zel theih nan theihtawp an chhuah chhunzawm zel dawn niin a sawi a. He inkhawmah hian Aizawla lo kal BJP MDC dang pahnih Pu Shanti Jiban Chakma leh Pi Kusum Lota Chakma pawhin thu an sawi ve bawk.