Zankhat riaka Mizoram rawn tlawhtu Sorkar laipuia Statistics & Programme Implementation Minister DV Sadananda Gowdaa’n Mizorama congress sorkar dinglai chu an mi leh sa te chauh duhsak leh vote zawn nana sorkar sum khawhralah puhin an thil tih dan chu Central atangin a langchiang niin a sawi

0
187
views

He thu hi tukin a Upper Republic a Mizoram BJP pisaa tlawh naah a sawi a. Mizoram a Congress sorkar chu langtlang sorkar tia sawi theih a ni lo niin a sawi a, Mizoram harsatna hrang hrang sutkian nan leh hmasawnna hnathawh nan sorkar laipuiin 2014-2018 kum 5 chhungin cheng Vbc. 10,897.07 Mizoram sorkar hnenah a pe tawh niin a sawi a, DV Sadananda Gowda chuan, State hmasawnna atana sum an pek \hin te a hman danah sorkar laipui a in rawlh loh thu a sawi a, hetihrual hial State CM leh Ministry chu pawisa renchem a, hmasawnna tura pawisa hmang fimkhur a, mipui hnena langtlang sorkar kalpui tura beisei an nih thu a sawi.

Union Minister for Statistics & Programme Implementation Pu DV Sadananda Gowda hian nimin tlai khan chanchinbumite kawmin, sorkar laipui sum hmanga hnathawh hrang hrangah Mizoram sorkar chuan a enzui leh tihpuitlin kawngah \an a lak la ngai deuh nia a hmuh thu a sawi.

Statistical data chu planning siam leh hmalakna kawng hrang hrangah a pawimawh tih sawiin sorkar rin ngam leh langtlang nei tur pawhin thil tul a ni tih a sawi a. Mizoramin statistics changtlung zawk a neih theihna turin sorkar laipui chuan cheng vaibelchhe 15 nuai 80 a ruahmansak a ni a ti. Mizorama project lian tham deuh pali kalpuina turin cheng vbch. 1632 ruahman a nih laiin hna thawh zawh nan cheng vbch. 5613 hman a ngai ta tih Union Minister hian a sawi a, a tira ruahman aiin cheng vbch. 3981 laiin a sang chho a ni a ti a. Project zawh hun tura ruatah zo ngei turin state official-te a hrilh tih a sawi.

D.V. Sadananda Gowda hian nizan khan Chief Minister Pu Lal Thanhawla chu a chenna ah a kawm a. Sorkar thuchhuah tarlan danin Mizoram Economics and Statistics Department hnathawh dan chu tha tawka a ngaih thu Chief Minister hi a hrilh a, statistics tharlam leh rintlak neih chu ram hmasawn zelna atan thil pawimawh a ni a ti. Rel kawng leh Kaladan Multi Modal Project chungchang te sawi dun in, Mizoram sum leh pai dinhmun hmasawnna atan heng project pahnihte hi ngaihpawimawh hmasak tul a tih thu Union Minister chuan Chief Minister hi a hrilh a ni. Union Minister hian vawiin khan Mualkhang a rel kawng siam mek a tlawh hnuah Delhi lam a pan a ni.